श्री लक्ष्मी अष्टोत्तर शतनाम स्तोत्रम् -- Sri Lakshmi Ashtottara Shatanama Stotram

वंदे पद्मकरां प्रसन्नवदनां सौभाग्यदां भाग्यदां
हस्ताभ्यामभयप्रदां मणिगणैः नानाविधैः भूषिताम् ।
vandē padmakarāṃ prasannavadanāṃ saubhāgyadāṃ bhāgyadāṃ
hastābhyāmabhayapradāṃ maṇigaṇaiḥ nānāvidhaiḥ bhūṣitām ।

(I pray to Thee, who is lotus-handed, possesses a smiling face, bestows wellness and prosperity, gestures the protection sign with her hands, and is adorned with different kinds of jewels.)

भक्ताभीष्ट फलप्रदां हरिहर ब्रह्माधिभिस्सेवितां
पार्श्वे पंकज शंखपद्म निधिभिः युक्तां सदा शक्तिभिः ॥

bhaktābhīṣṭa phalapradāṃ harihara brahmādhibhissēvitāṃ
pārśvē paṅkaja śaṅkhapadma nidhibhiḥ yuktāṃ sadā śaktibhiḥ ॥

(you are the bestower of devotees' wishes, yourself being served by Vishnu, Shiva, and Brahma, etc.; holding on your sides the weapon of the Wheel, Conch, Lotus, and other precious things. You are the ever-powerful Goddess.)

 
सरसिज नयने सरोजहस्ते धवल तरांशुक गंधमाल्य शोभे ।
भगवति हरिवल्लभे मनोज्ञे त्रिभुवन भूतिकरि प्रसीदमह्यम् ॥

sarasija nayanē sarōjahastē dhavaḻa tarāṃśuka gandhamālya śōbhē ।
bhagavati harivallabhē manōjñē tribhuvana bhūtikari prasīdamahyam ॥

 
(O lotus-eyed Goddess! lotus-handed and adorned with the garlands of fragrant white flowers; O Supreme Goddess, consort of Vishnu (Hari), who is handsome and pleasant, please bless all the beings of the three worlds forever.)
 
Lakshmi Ashtottara ShataNama Stotram
 
प्रकृतिं विकृतिं विद्यां सर्वभूत-हितप्रदाम् ।
श्रद्धां विभूतिं सुरभिं नमामि परमात्मिकाम् ॥ 1 ॥

prakṛtiṃ vikṛtiṃ vidyāṃ sarvabhūta-hitapradām ।
śraddhāṃ vibhūtiṃ surabhiṃ namāmi paramātmikām ॥ 1 ॥

(I pray to Thee who is the embodiment of Natural force, unnatural force, knowledge, protection for all beings, care, incarnation power, fragrance, the supreme soul.)

वाचं पद्मालयां पद्मां शुचिं स्वाहां स्वधां सुधाम् ।
धन्यां हिरण्ययीं लक्ष्मीं नित्यपुष्टां विभावरीम् ॥ 2 ॥

vāchaṃ padmālayāṃ padmāṃ śuchiṃ svāhāṃ svadhāṃ sudhām ।
dhanyāṃ hiraṇyayīṃ lakṣmīṃ nityapuṣṭāṃ vibhāvarīm ॥ 2 ॥

(pleasantly talkative, having the lotus as the abode, lotus-resembling, pure, ultimate, self-powered, herself the nectar, blessed one, gold-studded, ever healthy, wealthy)

अदितिं च दितिं दीप्तां वसुधां वसुधारिणीम् ।
नमामि कमलां कांतां कामाक्षीं क्रोधसंभवाम् [काम्यां क्षीरोदसंभवाम्] ॥ 3 ॥

aditiṃ cha ditiṃ dīptāṃ vasudhāṃ vasudhāriṇīm ।
namāmi kamalāṃ kāntāṃ kāmākṣīṃ krōdhasambhavām [kāmyāṃ kṣīrōdasambhavām] ॥ 3 ॥

(the limitless One and at the same a limited One, the ever-shining light, she is the Earth and at the same time the One who holds the earth, I bow to thee, O Lotus-Like Beautiful One, consort of Vishnu, personificatin of forgiveness, One born from the Ocean of Nectar)

अनुग्रहप्रदां बुद्धि-मनघां हरिवल्लभाम् ।
अशोका-ममृतां दीप्तां लोकशोकविनाशिनीम् ॥ 4 ॥

anugrahapradāṃ buddhi-managhāṃ harivallabhām ।
aśōkā-mamṛtāṃ dīptāṃ lōkaśōkavināśinīm ॥ 4 ॥

(bestower of grace, the abode of wisdom, virtuous, possessing Hari as her consort, griefless one, deathless, the abode of light, destructor of worldly sorrows)

नमामि धर्मनिलयां करुणां लोकमातरम् ।
पद्मप्रियां पद्महस्तां पद्माक्षीं पद्मसुंदरीम् ॥ 5 ॥

namāmi dharmanilayāṃ karuṇāṃ lōkamātaram ।
padmapriyāṃ padmahastāṃ padmākṣīṃ padmasundarīm ॥ 5 ॥

(Salutations! O Abode of Righteousness and Kindness, Mother of Universe, One who loves Lotuses, Holds lotus in hand, Lotus-Resembling Eyed, Beautiful like the Lotus)

पद्मोद्भवां पद्ममुखीं पद्मनाभप्रियां रमाम् ।
पद्ममालाधरां देवीं पद्मिनीं पद्मगंधिनीम् ॥ 6 ॥

padmōdbhavāṃ padmamukhīṃ padmanābhapriyāṃ ramām ।
padmamālādharāṃ dēvīṃ padminīṃ padmagandhinīm ॥ 6 ॥

(One who rose from Padma or Lotus, Lotus-faced, Beloved of Vishnu, O RamAdEvi, One who wears the lotus garland, O Goddess Padmini, Who is Lotus-Scented)

पुण्यगंधां सुप्रसन्नां प्रसादाभिमुखीं प्रभाम् ।

नमामि चंद्रवदनां चंद्रां चंद्रसहोदरीम् ॥ 7 ॥

puṇyagandhāṃ suprasannāṃ prasādābhimukhīṃ prabhām ।
namāmi chandravadanāṃ chandrāṃ chandrasahōdarīm ॥ 7 ॥

 

(One who emits purity, pleasingly generous, one who loves offerings, O Light, I bow to Thee O Moon-Like-Faced, O Moon-Resembled, Sister of the Moon)
 
चतुर्भुजां चंद्ररूपा-मिंदिरा-मिंदुशीतलाम् ।
आह्लाद जननीं पुष्टिं शिवां शिवकरीं सतीम् ॥ 8 ॥
chaturbhujāṃ chandrarūpā-mindirā-minduśītalām ।
āhlāda jananīṃ puṣṭiṃ śivāṃ śivakarīṃ satīm ॥ 8 ॥
 
(O Four-Handed, Moon-Like-Figured, beautiful like blue lotus, pleasingly cool, provider of happiness, well-built, blissful, provider of bliss, virtuous)
 
विमलां विश्वजननीं तुष्टिं दारिद्र्यनाशिनीम् ।
प्रीतिपुष्करिणीं शांतां शुक्लमाल्यांबरां श्रियम् ॥ 9 ॥
vimalāṃ viśvajananīṃ tuṣṭiṃ dāridryanāśinīm ।
prītipuṣkariṇīṃ śāntāṃ śuklamālyāmbarāṃ śriyam ॥ 9 ॥

 
(O Blemishless, mother of Universe, abundance, destroyer of poverty, the abode of love, peaceful One, white-garlanded, Goddess of wealth)

 

भास्करीं बिल्वनिलयां वरारोहां यशस्विनीम् ।
वसुंधरा मुदारांगां हरिणीं हेममालिनीम् ॥ 10 ॥
bhāskarīṃ bilvanilayāṃ varārōhāṃ yaśasvinīm ।
vasundharā mudārāṅgāṃ hariṇīṃ hēmamālinīm ॥ 10 ॥
 
(O Brilliance, the native of the spiritual Bilva trees, accessible by boons, famous One, holder of the earth, soft-hearted, deer-like bodied, garlanded with gold)

 

धनधान्यकरीं सिद्धिं स्त्रैणसौम्यां [सदासौम्यां] शुभप्रदाम् ।
नृपवेश्मगतां नंदां वरलक्ष्मीं वसुप्रदाम् ॥ 11 ॥
dhanadhānyakarīṃ siddhiṃ straiṇasaumyāṃ [sadāsaumyāṃ] śubhapradām ।
nṛpavēśmagatāṃ nandāṃ varalakṣmīṃ vasupradām ॥ 11 ॥
 
(provider of wealth and food, supernal powers, steadfastness, softness, and welfare provider, One who rejoices in palaces, bestower of gifts, and brilliance provider)

 
शुभां हिरण्यप्राकारां समुद्रतनयां जयाम् ।
नमामि मंगलां देवीं विष्णुवक्षःस्थलस्थिताम् ॥ 12 ॥
śubhāṃ hiraṇyaprākārāṃ samudratanayāṃ jayām ।
namāmi maṅgaḻāṃ dēvīṃ viṣṇuvakṣaḥsthalasthitām ॥ 12 ॥

 (auspicious one, dweller amidst golden surroundings, daughter of Ocean, goddess of victory, salutations to auspicious one, Goddess of angels, one who resides in the heart of Vishnu)

 
विष्णुपत्नीं, प्रसन्नाक्षीं नारायणसमाश्रिताम् ।
दारिद्र्यध्वंसिनीं देवीं सर्वोपद्रववारिणीम् ॥ 13 ॥
viṣṇupatnīṃ, prasannākṣīṃ nārāyaṇasamāśritām ।
dāridryadhvaṃsinīṃ dēvīṃ sarvōpadravavāriṇīm ॥ 13 ॥
 
(O Consort of Vishnu, merciful-eyed, dedicated to Narayana, the destructor of poverty, O Devi, remover of all problems)

 
नवदुर्गां महाकालीं ब्रह्मविष्णुशिवात्मिकाम् ।
त्रिकालज्ञानसंपन्नां नमामि भुवनेश्वरीम् ॥ 14 ॥
navadurgāṃ mahākāḻīṃ brahmaviṣṇuśivātmikām ।
trikālajñānasampannāṃ namāmi bhuvanēśvarīm ॥ 14 ॥
 
(O Nine-Formed One; Goddess Mahakali; beloved by Brahma, Vishnu, and Shiva; possessor of the knowledge of past, present, and future; Salutations to Thee, O Goddess of Worlds)
 

Surrendrance to Goddess Lakshmi

The following two hymns of four lines are recited to express your devotion and thereby confirm your submission to her refuge.

लक्ष्मीं क्षीरसमुद्रराज तनयां श्रीरंगधामेश्वरीम् ।
दासीभूत समस्तदेव वनितां लोकैक दीपांकुराम् ॥
श्रीमन्मंद कटाक्ष लब्ध विभवद्-ब्रह्मेंद्र गंगाधराम् ।
त्वां त्रैलोक्य कुटुंबिनीं सरसिजां वंदे मुकुंदप्रियाम् ॥ 15 ॥

lakṣmīṃ kṣīrasamudrarāja tanayāṃ śrīraṅgadhāmēśvarīm ।
dāsībhūta samastadēva vanitāṃ lōkaika dīpāṅkurām ॥
śrīmanmanda kaṭākṣa labdha vibhavad-brahmēndra gaṅgādharām ।
tvāṃ trailōkya kuṭumbinīṃ sarasijāṃ vandē mukundapriyām ॥ 15 ॥

(O Goddess Lakshmi, daughter of the milky ocean, dweller of Vaikunt (sriranga dhama refers to Vishnu's abode), served by all servants and spirits, thou art the only eternal light for all worlds; who attracts the grace of even Brahma, Indra, and Shiva; I bow to you, O dweller of all three worlds, born from lotus, and beloved by Mukunda, the Vishnu)

 
मातर्नमामि! कमले! कमलायताक्षि!
श्री विष्णु हृत्-कमलवासिनि! विश्वमातः!
क्षीरोदजे कमल कोमल गर्भगौरि!
लक्ष्मी! प्रसीद सततं समतां शरण्ये ॥ 16 ॥

mātarnamāmi! kamalē! kamalāyatākṣi!
śrī viṣṇu hṛt-kamalavāsini! viśvamātaḥ!
kṣīrōdajē kamala kōmala garbhagauri!
lakṣmī! prasīda satataṃ samatāṃ śaraṇyē ॥ 16 ॥

(O Mother I bow to Thee, O Lotus-bodied, Lotus-eyed, resides in the heart of Vishnu, mother of the universe, took birth from the milky ocean, in the midst of a soft lotus, O Gouri, Lakshmi! always protect me, I bow to you and submit before you)

Bhagavad Gita - Chapter 12 - All Verses with Meaning

अर्जुन उवाच ।
एवं सततयुक्ता ये भक्तास्त्वां पर्युपासते ।
ये चाप्यक्षरमव्यक्तं तेषां के योगवित्तमाः ॥ १२-१॥

arjuna uvāca
evaṃ satatayuktā ye bhaktāstvāṃ paryupāsate
ye cāpyakṣaramavyaktaṃ teṣāṃ ke yogavittamāḥ 12-1

Those devotees who, eversteadfast, thus worship you, and also those who worship the imperishable, the unmanifested — which of them are better versed in YOGA?

---

श्रीभगवानुवाच ।
मय्यावेश्य मनो ये मां नित्ययुक्ता उपासते ।
श्रद्धया परयोपेताः ते मे युक्ततमा मताः ॥ १२-२॥

śrībhagavānuvāca
mayyāveśya mano ye māṃ nityayuktā upāsate
śraddhayā parayopetāḥ te me yuktatamā matāḥ 12-2

The Blessed Lord said: Those who, fixing their mind on Me, worship Me, ever steadfast and endowed with supreme faith, these, in my opinion, are the best in YOGA.

---

ये त्वक्षरमनिर्देश्यमव्यक्तं पर्युपासते ।
सर्वत्रगमचिन्त्यञ्च कूटस्थमचलन्ध्रुवम् ॥ १२-३॥

ye tvakṣaramanirdeśyam avyaktaṃ paryupāsate
sarvatragamacintyañca kūṭasthamacalandhruvam 12-3

Those who worship the imperishable, the indefinable, the unmanifest, the omnipresent, the unthinkable. the unchangeable. the immovable and the eternal, . . .

---

सन्नियम्येन्द्रियग्रामं सर्वत्र समबुद्धयः ।
ते प्राप्नुवन्ति मामेव सर्वभूतहिते रताः ॥ १२-४॥

sanniyamyendriyagrāmaṃ sarvatra samabuddhayaḥ
te prāpnuvanti māmeva sarvabhūtahite ratāḥ 12-4

Having restrained all the senses, even-minded everywhere, rejoicing ever in the welfare of all beings — verily theyalso come unto Me.

---

क्लेशोऽधिकतरस्तेषामव्यक्तासक्तचेतसाम् ।
अव्यक्ता हि गतिर्दुःखं देहवद्भिरवाप्यते ॥ १२-५॥

kleśo’dhikatarasteṣām avyaktāsaktacetasām
avyaktā hi gatirduḥkhaṃ dehavadbhiravāpyate 12-5

Greater is their trouble whose minds are set on the Unmanifest ; for the goal, the Unmanifest, is very hard for the embodied to reach.

---

ये तु सर्वाणि कर्माणि मयि संन्यस्य मत्पराः ।
अनन्येनैव योगेन मां ध्यायन्त उपासते ॥ १२-६॥

ye tu sarvāṇi karmāṇi mayi saṃnyasya matparāḥ
ananyenaiva yogena māṃ dhyāyanta upāsate 12-6

But those who worship Me, renouncing all actions in Me, regarding Me as the Supreme Goal, meditating on Me with single-minded devotion (YOGA) . . .

---

तेषामहं समुद्धर्ता मृत्युसंसारसागरात् ।
भवामि नचिरात्पार्थ मय्यावेशितचेतसाम् ॥ १२-७॥

teṣāmahaṃ samuddhartā mṛtyusaṃsārasāgarāt
bhavāmi nacirātpārtha mayyāveśitacetasām 12-7

For them, whose minds are set on Me, verily I become, ere-long, O Partha, the Saviour, (to save them) out of the ocean of finite experiences; the SAMSARA.

---

मय्येव मन आधत्स्व मयि बुद्धिं निवेशय ।
निवसिष्यसि मय्येव अत ऊर्ध्वं न संशयः ॥ १२-८॥

mayyeva mana ādhatsva mayi buddhiṃ niveśaya
nivasiṣyasi mayyeva ata ūrdhvaṃ na saṃśayaḥ 12-8

Fix your mind on Me only, place your intellect in Me; then, (thereafter) you shall, no doubt, live in Me alone.

---

अथ चित्तं समाधातुं न शक्नोषि मयि स्थिरम् ।
अभ्यासयोगेन ततो मामिच्छाप्तुं धनञ्जय ॥ १२-९॥

atha cittaṃ samādhātuṃ na śaknoṣi mayi sthiram
abhyāsayogena tato māmicchāptuṃ dhanañjaya 12-9

If you are unable to fix your mind steadily upon Me, then by the YOGA -of constant-practice, seek to reach Me, O Dhananjaya.

---

अभ्यासेऽप्यसमर्थोऽसि मत्कर्मपरमो भव ।
मदर्थमपि कर्माणि कुर्वन्सिद्धिमवाप्स्यसि ॥ १२-१०॥

abhyāse’pyasamartho’si matkarmaparamo bhava
madarthamapi karmāṇi kurvansiddhimavāpsyasi 12-10

If you are unable even to practise ABHYASA-YOGA, be you intent on performing actions for My sake; even by doing actions for My sake, you shall attain perfection.

---

अथैतदप्यशक्तोऽसि कर्तुं मद्योगमाश्रितः ।
सर्वकर्मफलत्यागं ततः कुरु यतात्मवान् ॥ १२-११॥

athaitadapyaśakto’si kartuṃ madyogamāśritaḥ
sarvakarmaphalatyāgaṃ tataḥ kuru yatātmavān 12-11

If you are unable to do even this, then taking refuge in Me, self-controlled, renounce the fruits-of-all-actions.

---

श्रेयो हि ज्ञानमभ्यासाज्ज्ञानाद्ध्यानं विशिष्यते ।
ध्यानात्कर्मफलत्यागस्त्यागाच्छान्तिरनन्तरम् ॥ १२-१२॥

śreyo hi jñānamabhyāsāj jñānāddhyānaṃ viśiṣyate
dhyānātkarmaphalatyāgas tyāgācchāntiranantaram 12-12

Knowledge is indeed better than practice ; meditation is better than knowledge ; renunciation of the fruits-of-actions is better than meditation ; peace immediately follows renunciation.

---

अद्वेष्टा सर्वभूतानां मैत्रः करुण एव च ।
निर्ममो निरहङ्कारः समदुःखसुखः क्षमी ॥ १२-१३॥

adveṣṭā sarvabhūtānāṃ maitraḥ karuṇa eva ca
nirmamo nirahaṅkāraḥ samaduḥkhasukhaḥ kṣamī 12-13

He who hates no creature, who is friendly and compassionate to all, who is free from attachment and egoism, balanced in pleasure and pain, and forgiving . . .

---

सन्तुष्टः सततं योगी यतात्मा दृढनिश्चयः ।
मय्यर्पितमनोबुद्धिर्यो मद्भक्तः स मे प्रियः ॥ १२-१४॥

santuṣṭaḥ satataṃ yogī yatātmā dṛḍhaniścayaḥ
mayyarpitamanobuddhiryo madbhaktaḥ sa me priyaḥ 12-14

Ever content, steady in meditation, self-controlled, possessed of firm conviction, with mind and intellect dedicated to Me, he, My devotee, is dear to me.

---

यस्मान्नोद्विजते लोको लोकान्नोद्विजते च यः ।
हर्षामर्षभयोद्वेगैर्मुक्तो यः स च मे प्रियः ॥ १२-१५॥

yasmānnodvijate loko lokānnodvijate ca yaḥ
harṣāmarṣabhayodvegair mukto yaḥ sa ca me priyaḥ 12-15

He by whom the world is not agitated (affected) , and who cannot be agitated by the world, who is freed from joy, envy, fear, and anxiety — he is dear to me.

---

अनपेक्षः शुचिर्दक्ष उदासीनो गतव्यथः ।
सर्वारम्भपरित्यागी यो मद्भक्तः स मे प्रियः ॥ १२-१६॥

anapekṣaḥ śucirdakṣa udāsīno gatavyathaḥ
sarvārambhaparityāgī yo madbhaktaḥ sa me priyaḥ 12-16

He who is free from wants, pure, alert, unconcerned, untroubled, renouncing all undertakings (or commencements) — he who is (thus) devoted to Me, is dear to Me.

---

यो न हृष्यति न द्वेष्टि न शोचति न काङ्क्षति ।
शुभाशुभपरित्यागी भक्तिमान्यः स मे प्रियः ॥ १२-१७॥

yo na hṛṣyati na dveṣṭi na śocati na kāṅkṣati
śubhāśubhaparityāgī bhaktimānyaḥ sa me priyaḥ 12-17

He who neither rejoices, nor hates, nor grieves, nor desires, renouncing good and evil, full of devotion, is dear to Me.

---

समः शत्रौ च मित्रे च तथा मानापमानयोः ।
शीतोष्णसुखदुःखेषु समः सङ्गविवर्जितः ॥ १२-१८॥

samaḥ śatrau ca mitre ca tathā mānāpamānayoḥ
śītoṣṇasukhaduḥkheṣu samaḥ saṅgavivarjitaḥ 12-18

He who is the same to foe and friend, and also in honour and dishonour, who is the same in cold and heat and in pleasure and pain, who is free from attachment . . .

---

तुल्यनिन्दास्तुतिर्मौनी सन्तुष्टो येन केनचित् ।
अनिकेतः स्थिरमतिर्भक्तिमान्मे प्रियो नरः ॥ १२-१९॥

tulyanindāstutirmaunī santuṣṭo yena kenacit
aniketaḥ sthiramatir bhaktimānme priyo naraḥ 12-19

To whom censure and praise are equal, who is silent, content with anything, homeless, steady-minded, full of devotion — that man is dear to Me.

---

ये तु धर्म्यामृतमिदं यथोक्तं पर्युपासते ।
श्रद्दधाना मत्परमा भक्तास्तेऽतीव मे प्रियाः ॥ १२-२०॥

ॐ तत्सदिति श्रीमद्भगवद्गीतासूपनिषत्सु
ब्रह्मविद्यायां योगशास्त्रे श्रीकृष्णार्जुनसंवादे
भक्तियोगो नाम द्वादशोऽध्यायः ॥ १२॥

ye tu dharmyāmṛtamidaṃ yathoktaṃ paryupāsate
śraddadhānā matparamā bhaktāste’tīva me priyāḥ 12-20

oṃ tatsaditi śrīmadbhagavadgītāsūpaniṣatsu
brahmavidyāyāṃ yogaśāstre śrīkṛṣṇārjunasaṃvāde
bhaktiyogo nāma dvādaśo’dhyāyaḥ 20

They indeed, who follow this Immortal DHARMA (Law of Life) as described above, endowed with faith, regarding Me as their Supreme Goal — such devotees are exceedingly dear to Me.